sajde mein to zarur ye sar der tak raha

sajde meñ to zarūr ye sar der tak rahā

rizq-e-harām kā bhī asar der tak rahā

har gosha-e-badan pe sahar der tak rahā

āñkhoñ se guftugū kā asar der tak rahā

sachchā.ī par sazā thī yahāñ jhuuT par vahāñ

aalam meñ kashmakash ke bashar der tak rahā

tark-e-ta.alluqāt se suljhā na mas.ala

bechain vo udhar ye idhar der tak rahā

afsos mustafīz musāfir na ho sake

hālāñki vo sharīk-e-safar der tak rahā

tārīkiyāñ hasad kī hī mahrūm rah ga.iiñ

raushan ḳhulūs kā to qamar der tak rahā

paiġhām-e-haq suneñ ki suneñ nafs kī sadā

'dānish' bhī ho ke zer-o-zabar der tak... rahā

sajde mein to zarur ye sar der tak raha

rizq-e-haram ka bhi asar der tak raha

har gosha-e-badan pe sahar der tak raha

aankhon se guftugu ka asar der tak raha

sachchai par saza thi yahan jhuT par wahan

aalam mein kashmakash ke bashar der tak raha

tark-e-talluqat se suljha na masala

bechain wo udhar ye idhar der tak raha

afsos mustafiz musafir na ho sake

haalanki wo sharik-e-safar der tak raha

tarikiyan hasad ki hi mahrum rah gain

raushan KHulus ka to qamar der tak raha

paigham-e-haq sunen ki sunen nafs ki sada

'danish' bhi ho ke zer-o-zabar der tak raha