salam ek payam hai payam ek salam hai

salām ik payām hai payām ik salām hai

salām phir salām hai payām phir payām hai

tirā vajūd ḳhaas hai mirā vajūd aam hai

barā.e-nām hī sahī mirā bhī kuchh maqām hai

na dhuup hai na chhāñv hai na sub.h hai na shaam hai

ye kaun sā dayār hai ye kaun sā maqām hai

salām jān-o-māl ke muhāfizoñ salām hai

darinda be-lagām hai parinda zer-e-dām hai

na fursat-e-qarār hai na fursat-e-qiyām hai

safar bhī nā-tamām hai lagan bhī nā-tamām hai

barūn-e-mai-kada hī kyoñ ye rok-Tok pūchh-tāchh

tirī taraf se sāqiyā agarche izn-e-ām hai

ye ūñch-nīch zāt-pāt chhūt-chhāt bhed-bhāv

tire liye halāl hai mire liye harām hai

nigāh kā fareb hai nahīñ kuchh aur dosto

vahī mah-e-tamām hai vahī mah-e-siyām hai

salam ek payam hai payam ek salam hai

salam phir salam hai payam phir payam hai

tera wajud KHas hai mera wajud aam hai

barae-nam hi sahi mera bhi kuchh maqam hai

na dhup hai na chhanw hai na subh hai na sham hai

ye kaun sa dayar hai ye kaun sa maqam hai

salam jaan-o-mal ke muhafizon salam hai

darinda be-lagam hai parinda zer-e-dam hai

na fursat-e-qarar hai na fursat-e-qiyam hai

safar bhi na-tamam hai lagan bhi na-tamam hai

barun-e-mai-kada hi kyon ye rok-Tok puchh-tachh

teri taraf se saqiya agarche izn-e-am hai

ye unch-nich zat-pat chhut-chhat bhed-bhaw

tere liye halal hai mere liye haram hai

nigah ka fareb hai nahin kuchh aur dosto

wahi mah-e-tamam hai wahi mah-e-siyam hai