saltanat jati rahi sultan aadha rah gaya

saltanat jaatī rahī sultān aadhā rah gayā

DevḌhī girvī huī dālān aadhā rah gayā

ham hue āzād hindustān aadhā rah gayā

phir ta.ajjub kyā jo pākistān aadhā rah gayā

aql se fāriġh huā insān aadhā rah gayā

iid do-bālā huī ramzān aadhā rah gayā

jītne ke baad vo jūñhī minister ho ga.e

goyā un par qaum kā ehsān aadhā rah gayā

sach kā dāman thaam kar achchhā kiyā tū ne magar

ab taraqqī kā tirī imkān aadhā rah gayā

muskurā kar jab ulaT dī us ne chehre se naqāb

dil meñ jo barpā thā vo tūfān aadhā rah gayā

ham ne sochā thā ki khā.eñge havā.eñ jail kī

ho ga.e lekin barī armān aadhā rah gayā

jab se maiñ ustād-shā.ir ho gayā huuñ shahr kā

ġhair matbūā mirā dīvān aadhā rah gayā

jab talak zinda rahe 'mansūr' vo puurā rahā

mar ga.e ibn-e-safī imrān aadhā rah gayā

saltanat jati rahi sultan aadha rah gaya

DewDhi girwi hui dalan aadha rah gaya

hum hue aazad hindustan aadha rah gaya

phir tajjub kya jo pakistan aadha rah gaya

aql se farigh hua insan aadha rah gaya

id do-baala hui ramzan aadha rah gaya

jitne ke baad wo junhi minister ho gae

goya un par qaum ka ehsan aadha rah gaya

sach ka daman tham kar achchha kiya tu ne magar

ab taraqqi ka teri imkan aadha rah gaya

muskura kar jab ulaT di us ne chehre se naqab

dil mein jo barpa tha wo tufan aadha rah gaya

hum ne socha tha ki khaenge hawaen jail ki

ho gae lekin bari arman aadha rah gaya

jab se main ustad-shair ho gaya hun shahr ka

ghair matbua mera diwan aadha rah gaya

jab talak zinda rahe 'mansur' wo pura raha

mar gae ibn-e-safi imran aadha rah gaya