samaat par dabaw waqt ka munh-zor hota hai

samā'at par dabāv vaqt kā muñh-zor hotā hai

ḳhamoshī ke ta'āqub meñ hamesha shor hotā hai

tumhārā naam le kar khīñchtī huuñ aa.ine par ḳhat

jhapaktī huuñ zarā āñkheñ to chehra aur hotā hai

mujhe kyoñ har zamāna ḳhuun meñ lat-pat milā hai phir

baḌoñ se jab sunā thā zulm kā ik daur hotā hai

ḳhudārā muftiyān-e-shahr se koī to ye pūchhe

churā.e roTiyāñ bhūkā agar to chor hotā hai

hamāre haañ bichhaḌnā bhī kabīra nekiyoñ meñ hai

hamāre haañ musalsal 'ishq ab is taur hotā hai

koī sachchī kahāvat hai mohabbat vo laḌā.ī hai

laḌe jo jītne ke shauq meñ kamzor hotā hai

tabhī to 'sa.adiya' khul kar nahīñ miltī kisī se maiñ

bichhaḌnā zehn meñ pahle hī zer-e-ġhaur hotā hai

sama'at par dabaw waqt ka munh-zor hota hai

KHamoshi ke ta'aqub mein hamesha shor hota hai

tumhaara nam le kar khinchti hun aaine par KHat

jhapakti hun zara aankhen to chehra aur hota hai

mujhe kyon har zamana KHun mein lat-pat mila hai phir

baDon se jab suna tha zulm ka ek daur hota hai

KHudara muftiyan-e-shahr se koi to ye puchhe

churae roTiyan bhuka agar to chor hota hai

hamare han bichhaDna bhi kabira nekiyon mein hai

hamare han musalsal 'ishq ab is taur hota hai

koi sachchi kahawat hai mohabbat wo laDai hai

laDe jo jitne ke shauq mein kamzor hota hai

tabhi to 'sadiya' khul kar nahin milti kisi se main

bichhaDna zehn mein pahle hi zer-e-ghaur hota hai