samaaten use apnaen ye to tai bhi nahin

samā.ateñ use apnā.eñ ye to tai bhī nahīñ

mire kalām meñ tum jaisī koī lai bhī nahīñ

tū aab hai jise mil jaa.e us ko jīvan de

maiñ ek sang huuñ merā kahīñ vilai bhī nahīñ

kisī maqām pe jibrīl bhī ThiThakte haiñ

aur ek ham haiñ ki ham ko kisī kā bhay bhī nahīñ

azal se teġh-ba-kaf laḌ rahī haiñ do samteñ

ik aisī jang ke jis meñ koī vijay bhī nahīñ

kisī kī raah meñ baiThe hue ye sochte haiñ

hamāre paas kisī ke liye samay bhī nahīñ

maiñ us ko khone kī himmat nahīñ juTā saktā

vo ek shai mirī taqdīr meñ jo hai bhī nahīñ

samaaten use apnaen ye to tai bhi nahin

mere kalam mein tum jaisi koi lai bhi nahin

tu aab hai jise mil jae us ko jiwan de

main ek sang hun mera kahin wilai bhi nahin

kisi maqam pe jibril bhi ThiThakte hain

aur ek hum hain ki hum ko kisi ka bhay bhi nahin

azal se tegh-ba-kaf laD rahi hain do samten

ek aisi jang ke jis mein koi wijay bhi nahin

kisi ki rah mein baiThe hue ye sochte hain

hamare pas kisi ke liye samay bhi nahin

main us ko khone ki himmat nahin juTa sakta

wo ek shai meri taqdir mein jo hai bhi nahin