سمجھ کر آخری پہلو کلائی کاٹتے ہیں

سمجھ کر آخری پہلو کلائی کاٹتے ہیں

یہاں کچھ بد گماں بد خو کلائی کاٹتے ہیں

بہت پہلے کہیں یہ طے کیا ہوتا ہے ہم نے

پھر اک شب پڑھ کے اللہ ہو کلائی کاٹتے ہیں

تجھ ایسوں پر سلامی زندگی سے لڑ رہے ہو

ہم ایسے بزدلوں پر تھو کلائی کاٹتے ہیں

کوئی منت سماجت کو بھی خاطر میں نہ لائے

تو ایسے وقت پر بدھو کلائی کاٹتے ہیں

یہیں پر طے ہوا تھا ساتھ جینا ساتھ مرنا

یہیں پر بیٹھ کر میں تو کلائی کاٹتے ہیں

انہیں لگتا ہے ان کی ناف میں خوشبو نہیں ہے

تو مایوسی میں کچھ آہو کلائی کاٹتے ہیں