samajh kar aaKHiri pahlu kalai kaTte hain

samajh kar āḳhirī pahlū kalā.ī kāTte haiñ

yahāñ kuchh bad-gumāñ bad-ḳhū kalā.ī kāTte haiñ

bahut pahle kahīñ ye tai kiyā hotā hai ham ne

phir ik shab paḌh ke allah-hū kalā.ī kāTte haiñ

tujh aisoñ par salāmī zindagī se laḌ rahe ho

ham aise buz-diloñ par thū kalā.ī kāTte haiñ

koī minnat samājat ko bhī ḳhātir meñ na laa.e

to aise vaqt par buddhū kalā.ī kāTte haiñ

yahīñ par tai huā thā saath jiinā saath marnā

yahīñ par baiTh kar maiñ tū kalā.ī kāTte haiñ

unheñ lagtā hai un kī naaf meñ ḳhushbū nahīñ hai

to māyūsī meñ kuchh aahū kalā.ī kāTte haiñ

samajh kar aaKHiri pahlu kalai kaTte hain

yahan kuchh bad-guman bad-KHu kalai kaTte hain

bahut pahle kahin ye tai kiya hota hai hum ne

phir ek shab paDh ke allah-hu kalai kaTte hain

tujh aison par salami zindagi se laD rahe ho

hum aise buz-dilon par thu kalai kaTte hain

koi minnat samajat ko bhi KHatir mein na lae

to aise waqt par buddhu kalai kaTte hain

yahin par tai hua tha sath jina sath marna

yahin par baiTh kar main tu kalai kaTte hain

unhen lagta hai un ki naf mein KHushbu nahin hai

to mayusi mein kuchh aahu kalai kaTte hain