samajh mein KHak ye jadugari nahin aati

Shaanul Haq Haqqi

samajh mein KHak ye jadugari nahin aati

Shaanul Haq Haqqi

MORE BY Shaanul Haq Haqqi

    samajh meñ ḳhaak ye jādūgarī nahīñ aatī

    charāġh jalte haiñ aur raushnī nahīñ aatī

    kisī ke naaz pe afsurda-ḳhātirī dil

    hañsī baat hai phir bhī hañsī nahīñ aatī

    na pūchh hai.at-e-tarf-o-chaman ki aisī bhī

    bahār baaġh meñ bahkī huī nahīñ aatī

    hujūm-e-aish to in tīra-bastiyoñ meñ kahāñ

    kahīñ se aah āvāz bhī nahīñ aatī

    judā.iyoñ se shikāyat to ho bhī jaatī hai

    rifāqatoñ se vafā meñ kamī nahīñ aatī

    kuchh aisā mahv hai asbāb-e-ranj-o-aish meñ dil

    ki aish o ranj pahchān nahīñ aatī

    sazā ye hai ki raheñ chashm-e-lutf se mahrūm

    ḳhatā ye hai ki havas peshgī nahīñ aatī

    ḳhudā rakhe tirī mahfil raunaqeñ ābād

    nazārgī se nazar meñ kamī nahīñ aatī

    baḌī talāsh se miltī hai zindagī ai dost

    qazā tarah patā pūchhtī nahīñ aatī

    samajh mein KHak ye jadugari nahin aati

    charagh jalte hain aur raushni nahin aati

    kisi ke naz pe afsurda-KHatiri dil ki

    hansi ki baat hai phir bhi hansi nahin aati

    na puchh haiat-e-tarf-o-chaman ki aisi bhi

    bahaar bagh mein bahki hui nahin aati

    hujum-e-aish to in tira-bastiyon mein kahan

    kahin se aah ki aawaz bhi nahin aati

    judaiyon se shikayat to ho bhi jati hai

    rifaqaton se wafa mein kami nahin aati

    kuchh aisa mahw hai asbab-e-ranj-o-aish mein dil

    ki aish o ranj ki pahchan hi nahin aati

    saza ye hai ki rahen chashm-e-lutf se mahrum

    KHata ye hai ki hawas peshgi nahin aati

    KHuda rakhe teri mahfil ki raunaqen aabaad

    nazargi se nazar mein kami nahin aati

    baDi talash se milti hai zindagi ai dost

    qaza ki tarah pata puchhti nahin aati

    RECITATIONS

    Nomaan Shauque

    Nomaan Shauque

    Nomaan Shauque

    samajh mein KHak ye jadugari nahin aati Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites