samajh saka na koi aaj tak ki kya hun main

samajh sakā na koī aaj tak ki kyā huuñ maiñ

havā ke dosh pe jaltā huā diyā huuñ maiñ

vajūd hogā mujassam mirā kabhī na kabhī

abhī to terī fazā meñ bikhar rahā huuñ maiñ

ye kaise kah duuñ ki pahchāntā bhī huuñ us ko

vo jis ko ek zamāne se jāntā huuñ maiñ

duā qubūl huī iztirāb baaqī hai

yahī bahut hai ki kuchh kāmyāb sā huuñ maiñ

na jaane kab maiñ kināre pe jā lagūñ 'jāved'

savār naav pe huuñ aur Dūbtā huuñ maiñ

samajh saka na koi aaj tak ki kya hun main

hawa ke dosh pe jalta hua diya hun main

wajud hoga mujassam mera kabhi na kabhi

abhi to teri faza mein bikhar raha hun main

ye kaise kah dun ki pahchanta bhi hun us ko

wo jis ko ek zamane se jaanta hun main

dua qubul hui iztirab baqi hai

yahi bahut hai ki kuchh kaamyab sa hun main

na jaane kab main kinare pe ja lagun 'jawed'

sawar naw pe hun aur Dubta hun main