samajhte ho jinhen bekar ke hain

samajhte ho jinheñ bekār ke haiñ

vo patthar bhī isī dīvār ke haiñ

khañDar ke ruup meñ bikhre namūne

mirī TuuTī huī talvār ke haiñ

vo kyā jāneñ kisī ke dil kī qīmat

jo saudāgar lab-o-ruḳhsār ke haiñ

uḌāneñ bharne vaale ye parinde

numā.inda tirī raftār ke haiñ

dahan gesū zabāñ āñkheñ ishāre

sabhī raste lab-e-iz.hār ke haiñ

sitāre chāñd jugnū phuul shabnam

ye sab chehre mire dildār ke haiñ

masāfat dhuup bārish rāh-e-manzil

ka.ī sāmāñ safar āsār ke haiñ

'fahīm' aaya khulī sāñsoñ kā mausam

jahāñ pahre dar-o-dīvār ke haiñ

samajhte ho jinhen bekar ke hain

wo patthar bhi isi diwar ke hain

khanDar ke rup mein bikhre namune

meri TuTi hui talwar ke hain

wo kya jaanen kisi ke dil ki qimat

jo saudagar lab-o-ruKHsar ke hain

uDanen bharne wale ye parinde

numainda teri raftar ke hain

dahan gesu zaban aankhen ishaare

sabhi raste lab-e-izhaar ke hain

sitare chand jugnu phul shabnam

ye sab chehre mere dildar ke hain

masafat dhup barish rah-e-manzil

kai saman safar aasar ke hain

'fahim' aaya khuli sanson ka mausam

jahan pahre dar-o-diwar ke hain