سمجھتے تھے وہ، سمجھایا گیا ہے
سمجھتے تھے وہ، سمجھایا گیا ہے
ہمیں ہم سے ہی ملوایا گیا ہے
ہمارے نام کا بے نام حصہ
کسی کے نام لکھوایا گیا ہے
کبھی احسان کوئی کر گیا تھا
برابر یاد دلوایا گیا ہے
یہ آنکھیں نیند میں بھی جاگتی ہیں
یہ کس کا ذکر دہرایا گیا ہے
ہم اپنی گفتگو بھی تولتے ہیں
ہمیں بیوپار سکھلایا گیا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
