سمجھائے کوئی یہ بات ذرا کیوں غم کو مسرت کہتے ہیں

سمجھائے کوئی یہ بات ذرا کیوں غم کو مسرت کہتے ہیں

برباد کیا ہے جس نے ہمیں سب اس کو محبت کہتے ہیں

برسوں بھی نہیں کھلتی ہے زباں دنیا سے شکایت کیا کرتے

جب درد سوا ہو جاتا ہے روداد اذیت کہتے ہیں

انصاف تو کر لے کچھ دل میں کیا یہی وفا کا بدلہ ہے

ہر روز ستم ہر وقت جفا کیا اس کو رفاقت کہتے ہیں

آداب محبت کے صدقے ایمان وفا کے سائے میں

کچھ عشق نے ایسا درس دیا تکلیف کو راحت کہتے ہیں

یہ عشق و جنوں کا سودا ہے رکھنا ہے اسے اب دل میں نہاں

ہر غم کو مسرت سمجھو خضرؔ ہر درد کو راحت کہتے ہیں