sang barsenge aur muskuraenge hum

sañg barseñge aur muskurā.eñge ham

yuuñ bhī ku-e-malāmat meñ jā.eñge ham

aa.ina tere ġham ko dikhā.eñge ham

dil jalegā magar muskurā.eñge ham

har masarrat se dāman bachā.eñge ham

ġham tirā is tarah āzmā.eñge ham

har masarrat se dāman bachā.eñge ham

ab ye sochā hai ik shaḳhs kī yaad ko

zindagī kī tarah bhuul jā.eñge ham

dekhnā ban ke parvāna aaoge tum

sūrat-e-sham' ḳhud ko jalā.eñge ham

dushmanoñ par agar vaqt koī paḌā

dostoñ kī tarah pesh ā.eñge ham

dil ko zaḳhmoñ se 'aḳhgar' sajā.e hue

roz jashn-e-bahārāñ manāeñge ham

sang barsenge aur muskuraenge hum

yun bhi ku-e-malamat mein jaenge hum

aaina tere gham ko dikhaenge hum

dil jalega magar muskuraenge hum

har masarrat se daman bachaenge hum

gham tera is tarah aazmaenge hum

har masarrat se daman bachaenge hum

ab ye socha hai ek shaKHs ki yaad ko

zindagi ki tarah bhul jaenge hum

dekhna ban ke parwana aaoge tum

surat-e-sham' KHud ko jalaenge hum

dushmanon par agar waqt koi paDa

doston ki tarah pesh aaenge hum

dil ko zaKHmon se 'aKHgar' sajae hue

roz jashn-e-bahaaran manaenge hum