sang-dil yun bhi mohabbat ka sila dete hain

sang-dil yuuñ bhī mohabbat kā sila dete haiñ

bhuul kar ahd-e-vafā ranj-e-vafā dete haiñ

apne dīvāne ko kyā ḳhuub sazā dete haiñ

dil ke har goshe meñ tūfān uThā dete haiñ

muddateñ guzrīñ idhar se koī guzrā hī nahīñ

roz ham sham.a jalāte haiñ bujhā dete haiñ

chaal meñ raqs-e-nasīm-e-saharī ke andāz

baat karte haiñ to ġhunchoñ ko khilā dete haiñ

ek hī kaam mohabbat meñ hai dīvānoñ kā

tum salāmat raho bas ye hī sadā dete haiñ

maut us kī hai hayāt us kī hai duniyā us kī

jis ko jiine kā salīqa vo sikhā dete haiñ

un se ai 'dard' taġhāful kī shikāyat kyā hai

jo har ik baat kā afsāna banā dete haiñ

sang-dil yun bhi mohabbat ka sila dete hain

bhul kar ahd-e-wafa ranj-e-wafa dete hain

apne diwane ko kya KHub saza dete hain

dil ke har goshe mein tufan uTha dete hain

muddaten guzrin idhar se koi guzra hi nahin

roz hum shama jalate hain bujha dete hain

chaal mein raqs-e-nasim-e-sahari ke andaz

baat karte hain to ghunchon ko khila dete hain

ek hi kaam mohabbat mein hai diwanon ka

tum salamat raho bas ye hi sada dete hain

maut us ki hai hayat us ki hai duniya us ki

jis ko jine ka saliqa wo sikha dete hain

un se ai 'dard' taghaful ki shikayat kya hai

jo har ek baat ka afsana bana dete hain