sang ko chhoD ke tu ne kabhi socha hi nahin

sañg ko chhoḌ ke tū ne kabhī sochā hī nahīñ

apnī hastī meñ ḳhudā ko kabhī DhūñDā hī nahīñ

uljhā uljhā sā hai kyuuñ apne bharam meñ har-dam

tū ne ḳhud apne garebān meñ jhāñkā hī nahīñ

tere hone se karam us kā nazar aatā hai

tujh se baḌh kar koī shāhid vo dikhātā hī nahīñ

us ke bandoñ meñ use DhūñDh agar hai ḳhvāhish

vo sanam-ḳhānoñ ke dar par kabhī dikhtā hī nahīñ

lamha lamha vo samāyā hai rag-o-pai meñ 'sabā'

had se aage kabhī ehsās ne chhoḌā hī nahīñ

sang ko chhoD ke tu ne kabhi socha hi nahin

apni hasti mein KHuda ko kabhi DhunDa hi nahin

uljha uljha sa hai kyun apne bharam mein har-dam

tu ne KHud apne gareban mein jhanka hi nahin

tere hone se karam us ka nazar aata hai

tujh se baDh kar koi shahid wo dikhata hi nahin

us ke bandon mein use DhunDh agar hai KHwahish

wo sanam-KHanon ke dar par kabhi dikhta hi nahin

lamha lamha wo samaya hai rag-o-pai mein 'saba'

had se aage kabhi ehsas ne chhoDa hi nahin