sang-rezon ki tarah pesh-e-nazar rahte hain

sañg-rezoñ kī tarah pesh-e-nazar rahte haiñ

mere kaase meñ paḌe la.al-o-gohar rahte haiñ

saa.e chunte haiñ kaḌī dhuup ke sahrā se ham

pā-shikasta haiñ magar mahv-e-safar rahte haiñ

kaal koyal kī sadā.eñ na shafaq rañg kahīñ

shahr meñ jaane kahāñ shām-o-sahar rahte haiñ

khelte haiñ mire āñgan meñ vo ḳhush ḳhush bāham

rañj ḳhushiyoñ se bahut shīr-o-shakar rahte haiñ

ḳhema-zan ho to ga.e ḳhāna-badoshī na ga.ī

be-gharī meñ bhī sadā dosh pe ghar rahte haiñ

qahat-sālī hai basīrat kī nagar meñ 'sābir'

kor-chashmoñ se yahāñ ahl-e-nazar rahte haiñ

sang-rezon ki tarah pesh-e-nazar rahte hain

mere kase mein paDe lal-o-gohar rahte hain

sae chunte hain kaDi dhup ke sahra se hum

pa-shikasta hain magar mahw-e-safar rahte hain

kal koyal ki sadaen na shafaq rang kahin

shahr mein jaane kahan sham-o-sahar rahte hain

khelte hain mere aangan mein wo KHush KHush baham

ranj KHushiyon se bahut shir-o-shakar rahte hain

KHema-zan ho to gae KHana-badoshi na gai

be-ghari mein bhi sada dosh pe ghar rahte hain

qahat-sali hai basirat ki nagar mein 'sabir'

kor-chashmon se yahan ahl-e-nazar rahte hain