sang uske hi safar ho kyunkar

sañg us ke hī safar ho kyūñkar

ziist pahle sī basar ho kyūñkar

jī jo chāhe hai ki mar jā.ūñ maiñ

raat se pahle sahar ho kyūñkar

ab kahāñ quvvat-e-goyā.ī hai

un kī bātoñ kā asar ho kyūñkar

zindagī ek safar hai sach hai

ho gumāñ koī magar ho kyūñkar

jab jiye koī kisī kī ḳhātir

is ko apnī bhī ḳhabar ho kyūñkar

dil hī pahlū se nikal jaa.e jo

aah hairāñ bhī jigar ho kyūñkar

ruuh sarshār kare vo 'hasrat'

mai-kade par bhī nazar ho kyūñkar

sang us ke hi safar ho kyunkar

zist pahle si basar ho kyunkar

ji jo chahe hai ki mar jaun main

raat se pahle sahar ho kyunkar

ab kahan quwwat-e-goyai hai

un ki baaton ka asar ho kyunkar

zindagi ek safar hai sach hai

ho guman koi magar ho kyunkar

jab jiye koi kisi ki KHatir

is ko apni bhi KHabar ho kyunkar

dil hi pahlu se nikal jae jo

aah hairan bhi jigar ho kyunkar

ruh sarshaar kare wo 'hasrat'

mai-kade par bhi nazar ho kyunkar