sar-ba-sar badla hua dekha tha kal yar ka rang

sar-ba-sar badlā huā dekhā thā kal yaar kā rañg

ḳhuub pahnā hai nayā us ne bhī is baar kā rañg

sūkhe pattoñ kī tarah uḌtā huā duur talak

maiñ ne jaate hue dekhā mire kirdār kā rañg

ab jo aayā huuñ to ḳhāmosh to jā.ūñgā nahīñ

ab uḌā kar ke hī jā.ūñgā maiñ do chaar kā rañg

koī kah de ki jhukā do to jhukā duuñ maiñ sar

itnā kachchā bhī nahīñ hai mirī dastār kā rañg

koī pūchhegā to ab khul ke batā saktā huuñ

mere dildār sā hotā hai jī dildār kā rañg

bāñdh kar maiñ ne badan yaad ke dhāgoñ se kabhī

muddatoñ rusvā kiyā rūh-e-talabgār kā rañg

aur phir lauT ke vāpas hī nahīñ jā paa.e

dekhne aa.e the ham bhī kabhī is paar kā rañg

lauT to aa.ī hai sāhil pe magar ḳhauf meñ hai

kashtī kī aañkh se utrā nahīñ mañjhdār kā rañg

chāragar ḳhud hai pareshān ke 'sāvan' kaise

badlā bīmār ne bīmār se bīmār kā rañg

sar-ba-sar badla hua dekha tha kal yar ka rang

KHub pahna hai naya us ne bhi is bar ka rang

sukhe patton ki tarah uDta hua dur talak

main ne jate hue dekha mere kirdar ka rang

ab jo aaya hun to KHamosh to jaunga nahin

ab uDa kar ke hi jaunga main do chaar ka rang

koi kah de ki jhuka do to jhuka dun main sar

itna kachcha bhi nahin hai meri dastar ka rang

koi puchhega to ab khul ke bata sakta hun

mere dildar sa hota hai ji dildar ka rang

bandh kar main ne badan yaad ke dhagon se kabhi

muddaton ruswa kiya ruh-e-talabgar ka rang

aur phir lauT ke wapas hi nahin ja pae

dekhne aae the hum bhi kabhi is par ka rang

lauT to aai hai sahil pe magar KHauf mein hai

kashti ki aankh se utra nahin manjhdar ka rang

chaaragar KHud hai pareshan ke 'sawan' kaise

badla bimar ne bimar se bimar ka rang