sar-ba-sar paikar-e-izhaar mein lata hai mujhe

sar-ba-sar paikar-e-iz.hār meñ laatā hai mujhe

aur phir ḳhud hī tah-e-ḳhāk chhupātā hai mujhe

kab se suntā huuñ vahī ek sadā-e-ḳhāmosh

koī to hai jo bulandī se bulātā hai mujhe

raat āñkhoñ meñ mirī gard-e-siyah Daal ke vo

farsh-e-be-ḳhvābī-e-vahshat pe sulātā hai mujhe

gum-shuda maiñ huuñ to har samt bhī gum hai mujh meñ

dekhtā huuñ vo kidhar DhūñDne jaatā hai mujhe

dīdanī hai ye tavajjoh bhī ba-andāz-e-sitam

umr bhar shīsha-e-ḳhālī se pilātā hai mujhe

hama-andesha-e-girdāb ba-pahlū-e-nashāt

mauj-dar-mauj hī sāhil nazar aatā hai mujhe

sar-ba-sar paikar-e-izhaar mein lata hai mujhe

aur phir KHud hi tah-e-KHak chhupata hai mujhe

kab se sunta hun wahi ek sada-e-KHamosh

koi to hai jo bulandi se bulata hai mujhe

raat aankhon mein meri gard-e-siyah Dal ke wo

farsh-e-be-KHwabi-e-wahshat pe sulata hai mujhe

gum-shuda main hun to har samt bhi gum hai mujh mein

dekhta hun wo kidhar DhunDne jata hai mujhe

didani hai ye tawajjoh bhi ba-andaz-e-sitam

umr bhar shisha-e-KHali se pilata hai mujhe

hama-andesha-e-girdab ba-pahlu-e-nashat

mauj-dar-mauj hi sahil nazar aata hai mujhe