sar-burida koi lashkar nahin dekha jata

sar-burīda koī lashkar nahīñ dekhā jaatā

ham se ye zulm kā manzar nahīñ dekhā jaatā

apnī āñkhoñ ko yahī kah ke sulā detā huuñ

apnī auqāt se baḌh kar nahīñ dekhā jaatā

apne kāñdhoñ pe uThā lete haiñ lāsha apnā

bojh apnā kisī sar par nahīñ dekhā jaatā

dekhne ko to use baar nahīñ hai mujh ko

baat ye hai ki barābar nahīñ dekhā jaatā

lauTnā ho to un āñkhoñ se kinārā kar lo

Dūbnā ho to samundar nahīñ dekhā jaatā

aa.ina huuñ na churā mujh se tū nazreñ apnī

dekh ā.īne se bāhar nahīñ dekhā jaatā

ham bure haiñ to koī baat nahīñ hai 'iqrār'

un se to koī suḳhan-var nahīñ dekhā jaatā

sar-burida koi lashkar nahin dekha jata

hum se ye zulm ka manzar nahin dekha jata

apni aankhon ko yahi kah ke sula deta hun

apni auqat se baDh kar nahin dekha jata

apne kandhon pe uTha lete hain lasha apna

bojh apna kisi sar par nahin dekha jata

dekhne ko to use bar nahin hai mujh ko

baat ye hai ki barabar nahin dekha jata

lauTna ho to un aankhon se kinara kar lo

Dubna ho to samundar nahin dekha jata

aaina hun na chura mujh se tu nazren apni

dekh aaine se bahar nahin dekha jata

hum bure hain to koi baat nahin hai 'iqrar'

un se to koi suKHan-war nahin dekha jata