sar-e-darbar KHamoshi tah-e-darbar KHushiyan hain

sar-e-darbār ḳhāmoshī tah-e-darbār ḳhushiyāñ haiñ

dar-o-dīvār kī bāteñ dar-o-dīvār ḳhushiyāñ haiñ

tujhe taknā tujhe sunñā tirā hañsnā machal jaanā

hamāre ġham ke āñgan meñ faqat do-chār ḳhushiyāñ haiñ

ka.ī haiñ dāstāneñ dafn yaañ yāroñ ke siine meñ

kahīñ par ġham hai ḳhushiyoñ meñ kahīñ ġham-ḳhvār ḳhushiyāñ haiñ

amīr-e-shahr kyā jaane jo guzrī hai ġharīboñ par

yahāñ par ġham ke phere haiñ vahāñ har baar ḳhushiyāñ haiñ

na jab tak ham samajh paa.eñ hamārā maqsad-e-taḳhlīq

jahāñ meñ jo mayassar hoñ sabhī be-kār ḳhushiyāñ haiñ

baḌī mehnat se likkhī hai sar-e-qirtās jo maiñ ne

kahānī meñ jo rakkhe haiñ sabhī kirdār ḳhushiyāñ haiñ

jo mujh pe shart ho ahmad maiñ puurī kar dikhā.ūñgā

sar-e-inkār gumnāmī pas-e-iqrār ḳhushiyāñ haiñ

sar-e-darbar KHamoshi tah-e-darbar KHushiyan hain

dar-o-diwar ki baaten dar-o-diwar KHushiyan hain

tujhe takna tujhe sunna tera hansna machal jaana

hamare gham ke aangan mein faqat do-chaar KHushiyan hain

kai hain dastanen dafn yan yaron ke sine mein

kahin par gham hai KHushiyon mein kahin gham-KHwar KHushiyan hain

amir-e-shahr kya jaane jo guzri hai gharibon par

yahan par gham ke phere hain wahan har bar KHushiyan hain

na jab tak hum samajh paen hamara maqsad-e-taKHliq

jahan mein jo mayassar hon sabhi be-kar KHushiyan hain

baDi mehnat se likkhi hai sar-e-qirtas jo main ne

kahani mein jo rakkhe hain sabhi kirdar KHushiyan hain

jo mujh pe shart ho ahmad main puri kar dikhaunga

sar-e-inkar gumnami pas-e-iqrar KHushiyan hain