سر گفتار خصلت بولتی ہے
سر گفتار خصلت بولتی ہے
جبھی میری شرافت بولتی ہے
اداسی غم اذیت ہے یہ دنیا
تو اس کو خوبصورت بولتی ہے
تبھی ہے لطف اس کی شاعری میں
فصاحت اور بلاغت بولتی ہے
کرے گا قوم کو برباد اک دن
یہی تو اکثریت بولتی ہے
وہ جب جب جھوٹ کہہ دیتی ہے یارو
وہ تب تب خوبصورت بولتی ہے
کسی کا دوغلا پن بولتا ہے
کسی کی شان و شوکت بولتی ہے
کروں افنانؔ اس پر جان قربان
سخن میں جو لطافت بولتی ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
