sar-e-KHayal hai ye kaun magar nahin hun main

sar-e-ḳhayāl hai ye kaun magar nahīñ huuñ maiñ

jidhar talāsh rahe ho udhar nahīñ huuñ maiñ

ye taur-e-justujū thoḌā badal ke dekho na

maiñ aur bhī huuñ bahut jism-bhar nahīñ huuñ maiñ

ye kis kī shakl mirī zaat par numāyāñ hai

mirī tarah tū lage haiñ magar nahīñ huuñ maiñ

thakan safar ko sameTe hue ho paañv meñ

ye aur baat ke zer-e-safar nahīñ huuñ maiñ

maiñ sochtā huuñ ki ab ishq hī karūñ tujh se

bahut dinoñ se kisī kaam par nahīñ huuñ maiñ

shab-e-javānī huuñ aisā na ho guzar jā.ūñ

so mujh ko jī lo kī phir umr-bhar nahīñ huuñ maiñ

sar-e-KHayal hai ye kaun magar nahin hun main

jidhar talash rahe ho udhar nahin hun main

ye taur-e-justuju thoDa badal ke dekho na

main aur bhi hun bahut jism-bhar nahin hun main

ye kis ki shakl meri zat par numayan hai

meri tarah tu lage hain magar nahin hun main

thakan safar ko sameTe hue ho panw mein

ye aur baat ke zer-e-safar nahin hun main

main sochta hun ki ab ishq hi karun tujh se

bahut dinon se kisi kaam par nahin hun main

shab-e-jawani hun aisa na ho guzar jaun

so mujh ko ji lo ki phir umr-bhar nahin hun main