sar-e-shaKH-e-talab zanjir nikli

sar-e-shāḳh-e-talab zanjīr niklī

ye kis ke ḳhvāb kī ta.abīr niklī

zamīñ par be-zamīnī kī kasak hai

ye mere naam kī jāgīr niklī

irādoñ se nikal aa.e irāde

mire andar ajab ta.amīr niklī

darīchoñ par darīche khul rahe haiñ

har ik tasvīr meñ tasvīr niklī

safar meñ phir safar ke ḳhvāb aa.eñ

yahī har ḳhvāb kī ta.abīr niklī

sar-afrāzī kā manzar dekhtā thā

barahna-sar har ik tauqīr niklī

sar-e-shaKH-e-talab zanjir nikli

ye kis ke KHwab ki tabir nikli

zamin par be-zamini ki kasak hai

ye mere nam ki jagir nikli

iradon se nikal aae irade

mere andar ajab tamir nikli

darichon par dariche khul rahe hain

har ek taswir mein taswir nikli

safar mein phir safar ke KHwab aaen

yahi har KHwab ki tabir nikli

sar-afraazi ka manzar dekhta tha

barahna-sar har ek tauqir nikli