سر جھکاتا نہیں کبھی شیشہ
سر جھکاتا نہیں کبھی شیشہ
ہم سے کرتا ہے سرکشی شیشہ
کرہ نار ہے مرا سینہ
شیشۂ دل ہے آتشی شیشہ
دل میں رکھا تھا اس کو دل بھی گیا
اڑ گئی لے کے اک پری شیشہ
دختر رز پہ زور عالم ہے
اس پری سے ہوا پری شیشہ
خون روتا ہے قہقہے کے ساتھ
خوب ہنستا ہے یہ ہنسی شیشہ
زخم دل کا جو پھٹ گیا انگور
ہوئے گا مے کا مستجی شیشہ
یاد آتا ہے مجھ کو دل اے مہرؔ
دیکھتا ہوں میں جب کبھی شیشہ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
