sar kabhi gardan kabhi ruKHsar sahlata raha

sar kabhī gardan kabhī ruḳhsār sahlātā rahā

ek hī jhoñkā palaT kar baar baar aatā rahā

phuul par baiThī huī titlī achānak uḌ ga.ī

ye ḳhazāna āḳhir apne haath se jaatā rahā

sham.a kī lau par havā ne hoñT apne rakh diye

vajd meñ aa kar dhuāñ tā-der lahrātā rahā

is tamannā meñ ki ahl-e-dil mujhe tujh sā kaheñ

terā ik ik rañg ik ik Dhañg apnātā rahā

yuuñ ki dohrī zindagī jiine kī aadat thī mujhe

ḳhud ko siine se lagātā aur Thukrātā rahā

dar darīche band aur āñkheñ khulī rakhte hue

maiñ bhare ghar meñ gum apne aap ko paatā rahā

sar kabhi gardan kabhi ruKHsar sahlata raha

ek hi jhonka palaT kar bar bar aata raha

phul par baiThi hui titli achanak uD gai

ye KHazana aaKHir apne hath se jata raha

shama ki lau par hawa ne honT apne rakh diye

wajd mein aa kar dhuan ta-der lahraata raha

is tamanna mein ki ahl-e-dil mujhe tujh sa kahen

tera ek ek rang ek ek Dhang apnata raha

yun ki dohri zindagi jine ki aadat thi mujhe

KHud ko sine se lagata aur Thukraata raha

dar dariche band aur aankhen khuli rakhte hue

main bhare ghar mein gum apne aap ko pata raha