sar mein ek sauda tha baam-o-dar banane ka

sar meñ ek saudā thā bām-o-dar banāne kā

aaj tak nahīñ sochā ham ne ghar banāne kā

yuuñ na reñgtī rahtīñ kāġhazoñ pe tasvīreñ

vaqt jo milā hotā bāl-o-par banāne kā

yuuñ kahāñ bhaTakte ham ḳhvāhishoñ ke sahrā meñ

fan agar hameñ aatā māl-o-zar banāne kā

chal diye akele hī justujū-e-manzil meñ

kaam ḳhāsā mushkil thā ham-safar banāne kā

ye hunar bhī āḳhir ko us ne siikh kar chhoḌā

ham se hosh-mandoñ ko be-ḳhabar banāne kā

ek shauq aisā bhī ham ne paal rakkhā hai

be-viqār logoñ ko mo'atabar banāne kā

sar mein ek sauda tha baam-o-dar banane ka

aaj tak nahin socha hum ne ghar banane ka

yun na rengti rahtin kaghazon pe taswiren

waqt jo mila hota baal-o-par banane ka

yun kahan bhaTakte hum KHwahishon ke sahra mein

fan agar hamein aata mal-o-zar banane ka

chal diye akele hi justuju-e-manzil mein

kaam KHasa mushkil tha ham-safar banane ka

ye hunar bhi aaKHir ko us ne sikh kar chhoDa

hum se hosh-mandon ko be-KHabar banane ka

ek shauq aisa bhi hum ne pal rakkha hai

be-wiqar logon ko mo'atabar banane ka