sar mila hai ishq ka sauda samane ke liye
sar mila hai ishq ka sauda samane ke liye
Munshi Debi Parshad Sahar Badayuni
MORE BYMunshi Debi Parshad Sahar Badayuni
sar milā hai ishq kā saudā samāne ke liye
āñkheñ diiñ insān ko aañsū bahāne ke liye
us kā hañsnā yaad aatā hai rulāne ke liye
kuchh bahāna chāhiye aañsū bahāne ke liye
koī zāhid ban gayā hai koī vaa.iz ban gayā
kaise kaise svāñg haiñ roTī kamāne ke liye
naqd-e-dil ko vārte haiñ ham lab-e-pāñ-ḳhurda par
nazr laa.e haiñ tumhāre paan khāne ke liye
mujh pe hai chashm-e-itāb auroñ pe shafqat kī nazar
mujh ko izrā.īl iisā ho zamāne ke liye
ka.aba-e-ummīd kī ta.azīm vājib thī zarūr
ham ne bose 'sehr' us ke āstāne ke liye
sar mila hai ishq ka sauda samane ke liye
aankhen din insan ko aansu bahane ke liye
us ka hansna yaad aata hai rulane ke liye
kuchh bahana chahiye aansu bahane ke liye
koi zahid ban gaya hai koi waiz ban gaya
kaise kaise swang hain roTi kamane ke liye
naqd-e-dil ko warte hain hum lab-e-pan-KHurda par
nazr lae hain tumhaare pan khane ke liye
mujh pe hai chashm-e-itab auron pe shafqat ki nazar
mujh ko izrail isa ho zamane ke liye
kaba-e-ummid ki tazim wajib thi zarur
hum ne bose 'sehr' us ke aastane ke liye
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
