sar-nigun kar hi diya zauq-e-jabin-sai ne

sar-nigūñ kar hī diyā zauq-e-jabīñ-sā.ī ne

naḳhvat-e-ishq miTā dī tirī yaktā.ī ne

hosh idrāk se begāna banā kar ik baar

koī karvaT hī na badlī tirī añgḌā.ī ne

ban gayā be-ḳhud-e-nazzāra ba-alfāz-e-digar

laaj rakh lī tire jalvoñ kī tamāshā.ī ne

muḳhtasar ek to vaise hī na thī qaid-e-hayāt

aur mī'ād baḌhā dī shab-e-tanhā.ī ne

qadr hone lagī arbāb-e-mohabbat meñ 'shakīl'

mujh ko insān banāyā mirī rusvā.ī ne

sar-nigun kar hi diya zauq-e-jabin-sai ne

naKHwat-e-ishq miTa di teri yaktai ne

hosh idrak se begana bana kar ek bar

koi karwaT hi na badli teri angDai ne

ban gaya be-KHud-e-nazzara ba-alfaz-e-digar

laj rakh li tere jalwon ki tamashai ne

muKHtasar ek to waise hi na thi qaid-e-hayat

aur mi'ad baDha di shab-e-tanhai ne

qadr hone lagi arbab-e-mohabbat mein 'shakil'

mujh ko insan banaya meri ruswai ne