sar pe aai jo aafat wo Tal hi gai

sar pe aa.ī jo aafat vo Tal hī ga.ī

zindagī ranj-o-ġham se nikal hī ga.ī

laakh mohtāt the dīda-o-dil se ham

phir bhī un kī nazar chaal chal hī ga.ī

umr bhar ham rahe ġham se dāman-kashāñ

zindagī aap ke ġham meñ Dhal hī ga.ī

raaz rakkhā mohabbat ke har raaz ko

phir bhī ye baat muñh se nikal hī ga.ī

chārasāzoñ ke altāf kā shukriya

zindagī ġham ke ġhunchoñ meñ Dhal hī ga.ī

aap ne laakh us ko na chāhā magar

anjuman meñ mirī baat chal hī ga.ī

lākhoñ ham ne kiyā zabt-e-dil par magar

un ko dekhā tabī.at machal hī ga.ī

jab bhī 'āsī' mujhe vo mile raah meñ

dekh kar ham ko ye duniyā jal hī ga.ī

sar pe aai jo aafat wo Tal hi gai

zindagi ranj-o-gham se nikal hi gai

lakh mohtat the dida-o-dil se hum

phir bhi un ki nazar chaal chal hi gai

umr bhar hum rahe gham se daman-kashan

zindagi aap ke gham mein Dhal hi gai

raaz rakkha mohabbat ke har raaz ko

phir bhi ye baat munh se nikal hi gai

chaarasazon ke altaf ka shukriya

zindagi gham ke ghunchon mein Dhal hi gai

aap ne lakh us ko na chaha magar

anjuman mein meri baat chal hi gai

lakhon hum ne kiya zabt-e-dil par magar

un ko dekha tabiat machal hi gai

jab bhi 'asi' mujhe wo mile rah mein

dekh kar hum ko ye duniya jal hi gai