سر پہ چھت دو وقت روٹی اور کپڑے کا سوال

سر پہ چھت دو وقت روٹی اور کپڑے کا سوال

کر دیا ہے ایک مفلس نے بڑا کتنا سوال

زندگی کی نعمتوں پر میرا کوئی حق نہیں

تھا جواں بیوہ کے ہونٹوں پر فقط اتنا سوال

بار خاطر گر نہ ہو تو عرض بس اتنی سی ہے

پوچھ لیں کیا آپ سے ہم کوئی من چاہا سوال

تھے دیے آنکھوں میں جو امید کے وہ بجھ گئے

رد جو اس نے کر دیا جب میرا چھوٹا سا سوال

جس کو اپنی علمیت کا زعم تھا حد سے سوا

گنگ ہو کر رہ گیا وہ جب سنا میرا سوال