sar pe chhat do waqt roTi aur kapDe ka sawal

sar pe chhat do vaqt roTī aur kapḌe kā savāl

kar diyā hai ek muflis ne baḌā kitnā savāl

zindagī kī ne'matoñ par merā koī haq nahīñ

thā javāñ beva ke hoñToñ par faqat itnā savāl

bār-e-ḳhātir gar na ho to 'arz bas itnī sī hai

pūchh leñ kyā aap se ham koī man-chāhā savāl

the diye āñkhoñ meñ jo ummīd ke vo bujh ga.e

rad jo us ne kar diyā jab merā chhoTā sā savāl

jis ko apnī ‘ilmiyat kā zo'm thā had se sivā

gung ho kar rah gayā vo jab sunā merā savāl

sar pe chhat do waqt roTi aur kapDe ka sawal

kar diya hai ek muflis ne baDa kitna sawal

zindagi ki ne'maton par mera koi haq nahin

tha jawan bewa ke honTon par faqat itna sawal

bar-e-KHatir gar na ho to 'arz bas itni si hai

puchh len kya aap se hum koi man-chaha sawal

the diye aankhon mein jo ummid ke wo bujh gae

rad jo us ne kar diya jab mera chhoTa sa sawal

jis ko apni ‘ilmiyat ka zo'm tha had se siwa

gung ho kar rah gaya wo jab suna mera sawal