sar pe mere bhi thi dastar-e-fazilat lekin

sar pe mere bhī thī dastār-e-fazīlat lekin

mujh ko hāsil thī mire rab kī ma.iyyat lekin

ishq aaya to maiñ pāband nahīñ rah paayā

ishq se qabl thā pāband-e-sharī.at lekin

bevafā hogī tire ḳhuun kī harakat sāhab

ham ko hai hind ke zarre se aqīdat lekin

merī ġhazloñ meñ hai shāhīn mahaz ik chiḌiyā

ab bhī ik raaz hai shāhīñ kī haqīqat lekin

hai sadāqat ki hai kashmīr zamīñ kī jannat

ahl-e-kashmīr ko miltī hai aziyyat lekin

muntazir paak kī rāheñ thiiñ qadam-bosī ko

ham ne bhārat ko hī samjhā thā ġhanīmat lekin

shar-pasandoñ ko na raas aaya vatan kā dastūr

dar-haqīqat hai mire mulk kī zīnat lekin

chāhtā hai ki kare sher-o-suḳhan se tauba

us se 'tasnīm' kī miltī hai tabī.at lekin

sar pe mere bhi thi dastar-e-fazilat lekin

mujh ko hasil thi mere rab ki maiyyat lekin

ishq aaya to main paband nahin rah paya

ishq se qabl tha paband-e-shariat lekin

bewafa hogi tere KHun ki harakat sahab

hum ko hai hind ke zarre se aqidat lekin

meri ghazlon mein hai shahin mahaz ek chiDiya

ab bhi ek raaz hai shahin ki haqiqat lekin

hai sadaqat ki hai kashmir zamin ki jannat

ahl-e-kashmir ko milti hai aziyyat lekin

muntazir pak ki rahen thin qadam-bosi ko

hum ne bhaarat ko hi samjha tha ghanimat lekin

shar-pasandon ko na ras aaya watan ka dastur

dar-haqiqat hai mere mulk ki zinat lekin

chahta hai ki kare sher-o-suKHan se tauba

us se 'tasnim' ki milti hai tabiat lekin