sar-phiri tund hawa hum bhi nahin tum bhi nahin

sar-phirī tund havā ham bhī nahīñ tum bhī nahīñ

mulk-dushman ba-ḳhudā ham bhī nahīñ tum bhī nahīñ

bazm-e-ālam meñ sadā ham bhī nahīñ tum bhī nahīñ

munkir-e-roz-e-jazā ham bhī nahīñ tum bhī nahīñ

kis ke iimā pe hai ye ḳhūn-ḳharāba ye fasād

qā.il-e-jaur-o-jafā ham bhī nahīñ tum bhī nahīñ

jaan aapas kī burā.ī meñ gañvā deñ apnī

is qadar ḳhud se ḳhafā ham bhī nahīñ tum bhī nahīñ

ham ko dastūr ne baḳhshe haiñ barābar ke huqūq

koī kamtar na sivā ham bhī nahīñ tum bhī nahīñ

jazb hai ḳhāk-e-vatan meñ jo buzurgoñ kā lahū

is kī miTTī se judā ham bhī nahīñ tum bhī nahīñ

sar-phiri tund hawa hum bhi nahin tum bhi nahin

mulk-dushman ba-KHuda hum bhi nahin tum bhi nahin

bazm-e-alam mein sada hum bhi nahin tum bhi nahin

munkir-e-roz-e-jaza hum bhi nahin tum bhi nahin

kis ke ima pe hai ye KHun-KHaraba ye fasad

qail-e-jaur-o-jafa hum bhi nahin tum bhi nahin

jaan aapas ki burai mein ganwa den apni

is qadar KHud se KHafa hum bhi nahin tum bhi nahin

hum ko dastur ne baKHshe hain barabar ke huquq

koi kamtar na siwa hum bhi nahin tum bhi nahin

jazb hai KHak-e-watan mein jo buzurgon ka lahu

is ki miTTi se juda hum bhi nahin tum bhi nahin