sar shewa-e-taslim mein is darja nigun hai

sar sheva-e-taslīm meñ is darja nigūñ hai

baaqī koī saudā hai na hī koī junūñ hai

ye shaam ke ruḳhsār pe phailī huī laalī

ik hasrat-e-kushta kī tamannāoñ kā ḳhuuñ hai

is ā.ina-ḳhāna meñ haqīqat na.iiñ khultī

ye kāvish-e-sad-shīsha-garāñ mahz fusūñ hai

ai dasht-e-balā-ḳhez tirā zo'm salāmat

sunte haiñ ki 'ushshāq kī me’rāj-e-junūñ hai

shorīda-sarī dekh kahāñ laa.ī hai ham ko

andoh-gīñ lamhoñ meñ hī ab dil ko sukūñ hai

ghere hai 'navāz' aap ko afsurdagī kyūñ-kar

har zarra to mushtāq-e-dam-e-kun-fayakūñ hai

sar shewa-e-taslim mein is darja nigun hai

baqi koi sauda hai na hi koi junun hai

ye sham ke ruKHsar pe phaili hui lali

ek hasrat-e-kushta ki tamannaon ka KHun hai

is aaina-KHana mein haqiqat nain khulti

ye kawish-e-sad-shisha-garan mahz fusun hai

ai dasht-e-bala-KHez tera zo'm salamat

sunte hain ki 'ushshaq ki me’raj-e-junun hai

shorida-sari dekh kahan lai hai hum ko

andoh-gin lamhon mein hi ab dil ko sukun hai

ghere hai 'nawaz' aap ko afsurdagi kyun-kar

har zarra to mushtaq-e-dam-e-kun-fayakun hai