سر شیوۂ تسلیم میں اس درجہ نگوں ہے

سر شیوۂ تسلیم میں اس درجہ نگوں ہے

باقی کوئی سودا ہے نہ ہی کوئی جنوں ہے

یہ شام کے رخسار پہ پھیلی ہوئی لالی

اک حسرت کشتہ کی تمناؤں کا خوں ہے

اس آئنہ خانہ میں حقیقت نئیں کھلتی

یہ کاوش صد شیشہ گراں محض فسوں ہے

اے دشت بلا خیز ترا زعم سلامت

سنتے ہیں کہ عشاق کی معراج جنوں ہے

شوریدہ سری دیکھ کہاں لائی ہے ہم کو

اندوہ گیں لمحوں میں ہی اب دل کو سکوں ہے

گھیرے ہے نوازؔ آپ کو افسردگی کیوں کر

ہر ذرہ تو مشتاق دم کن فیکوں ہے