sar tere aastan pe jhukae hue hai hum

sar tere āstāñ pe jhukā.e hue hai ham

ya.anī farāz arsh pe chhā.e hue hai ham

hāsil hameñ hai lutf-e-bahār-e-jamāl-e-dost

mai-ḳhāna aaj sar pe uThā.e hue hai ham

gum-karda rāh-e-ka.aba-o-but-ḳhāna se ab duur

in manziloñ kī ḳhaak uḌaa.e hue haiñ ham

aa shaiḳh mai-kade meñ terī āqibat ba-ḳhair

rahmat ko botaloñ meñ chhupā.e hue haiñ ham

'nashtar' tasavvur-e-ruḳh-e-tābāñ hai rāt-din

ġham ko bahut hasīn banā.e hue haiñ ham

sar tere aastan pe jhukae hue hai hum

yani faraaz arsh pe chhae hue hai hum

hasil hamein hai lutf-e-bahaar-e-jamal-e-dost

mai-KHana aaj sar pe uThae hue hai hum

gum-karda rah-e-kaba-o-but-KHana se ab dur

in manzilon ki KHak uDae hue hain hum

aa shaiKH mai-kade mein teri aaqibat ba-KHair

rahmat ko botalon mein chhupae hue hain hum

'nashtar' tasawwur-e-ruKH-e-taban hai raat-din

gham ko bahut hasin banae hue hain hum