سر تو نیزے پہ ان کے اچھالے گئے
وہ مگر اپنا ایماں بچا لے گئے
خوب غیروں کے ارماں نکالے گئے
اور ہم تھے کہ باتوں میں ٹالے گئے
شوق منزل جنہیں تھا وہ ٹھہرے کہاں
راہ میں ان کی کانٹے بھی ڈالے گئے
سر پہ پہلے تو دستار باندھی گئی
اور پھر بزم سے ہم نکالے گئے
خود نمائی کا شوق آئنہ گر کو تھا
آئنے سخت مشکل میں ڈالے گئے
ساتھ جائیں گے اعمال ہی قبر میں
کس کے کب ہم نفس ہم پیالے گئے
جو چلے اس طرف ہو گئے معتبر
جس طرف آپ کے نقش پا لے گئے
بچ نہ پایا بڑے سے بڑا متقی
جب برائی کے پہلو نکالے گئے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
