sar uThaen to ise tan se juda jaante hain
sar uThā.eñ to ise tan se judā jānte haiñ
jurm karte hue ham us kī sazā jānte haiñ
koī pairau hai hamārā na koī rāh-numā
ham na piirī na murīdī kā mazā jānte haiñ
ḳhud ko hī mānte haiñ qāfila-sālār apnā
dil kī dhaḌkan ko hī āvāz-e-darā jānte haiñ
bech khāyā hai bahut barda-faroshoñ ne hameñ
us se Darte haiñ jise rāh-numā jānte haiñ
ye tabī'at nahīñ apnī ki gineñ 'aib-o-savāb
ham kisī ko bhī na achchhā na burā jānte haiñ
sar uThaen to ise tan se juda jaante hain
jurm karte hue hum us ki saza jaante hain
koi pairau hai hamara na koi rah-numa
hum na piri na muridi ka maza jaante hain
KHud ko hi mante hain qafila-salar apna
dil ki dhaDkan ko hi aawaz-e-dara jaante hain
bech khaya hai bahut barda-faroshon ne hamein
us se Darte hain jise rah-numa jaante hain
ye tabi'at nahin apni ki ginen 'aib-o-sawab
hum kisi ko bhi na achchha na bura jaante hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
