سر اٹھانے کا کیا ہنر آیا
بس یہ سمجھو میں دھار پر آیا
آئنہ پر نظر پڑی یک دم
دیکھا دیکھا کوئی نظر آیا
کل گیا تھا میں ایک گلشن میں
پھول شاخوں پہ باندھ کر آیا
خاموشی روح تک اتر آئی
تو میری بات میں اثر آیا
کوئی تصویر تو نہ بن پائی
ایک خاکے میں رنگ بھر آیا
چھوڑ کر وہ مجھے گیا لیکن
سارا الزام میرے سر آیا
اس نے پوچھا کہ کون فہمیؔ کون
اور میں سیڑھیاں اتر آیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
