sar uThaya ishq ne to choT ek bhaari paDi

sar uThāyā ishq ne to choT ik bhārī paḌī

jā ke is ke paaoñ 'mohsin' apnī ḳhuddārī paḌī

ab jo dekhā donoñ hī nā-qābil-e-tafsīr the

raat ke jaage huoñ par raushnī bhārī paḌī

chāhne vāloñ ko hī honā paḌā hai sañgsār

zinda rahne vāloñ par hī zindagī bhārī paḌī

mere dukh ko ek hī pahlū kī lazzat thī aziiz

ab jo karvaT lī to mujh pe aa ke bedārī paḌī

vo samundar vo havā.eñ vo tazabzub aur vo aañkh

jaan se jaane ga.e the aur gale yaarī paḌī

āshnā hone se pahle ajnabī-pan khā gayā

ghar se pahle rāste meñ ghar kī rahdārī paḌī

in dinoñ shāyad maiñ apnī dastaras se duur huuñ

aaj to us kī nazar dil par mire kaarī paḌī

sar uThaya ishq ne to choT ek bhaari paDi

ja ke is ke paon 'mohsin' apni KHuddari paDi

ab jo dekha donon hi na-qabil-e-tafsir the

raat ke jage huon par raushni bhaari paDi

chahne walon ko hi hona paDa hai sangsar

zinda rahne walon par hi zindagi bhaari paDi

mere dukh ko ek hi pahlu ki lazzat thi aziz

ab jo karwaT li to mujh pe aa ke bedari paDi

wo samundar wo hawaen wo tazabzub aur wo aankh

jaan se jaane gae the aur gale yari paDi

aashna hone se pahle ajnabi-pan kha gaya

ghar se pahle raste mein ghar ki rahdari paDi

in dinon shayad main apni dastaras se dur hun

aaj to us ki nazar dil par mere kari paDi