sar uThaya to sar rahega kya

sar uThāyā to sar rahegā kyā

ḳhauf ye umr-bhar rahegā kyā

us ne zanjīr kar ke rakkhā hai

ham se vo be-ḳhabar rahegā kyā

paañv rahte nahīñ zamīñ pe tire

haath dastār par rahegā kyā

vo jo ik ḳhvāb ham ne dekhā thā

ḳhvāb hī umr-bhar rahegā kyā

mar rahe haiñ firāq meñ tere

tū hameñ maar kar rahegā kyā

ishq-e-ḳhāna-ḳharāb tere ba.ad

koī ābād ghar rahegā kyā

ham na hoñge to ye jahān-e-tilism

ye fareb-e-nazar rahegā kyā

terā apnā nahīñ tirā saayā

tere zer-e-asar rahegā kyā

mauj apnī jagah kinārā hai

ye kinārā magar rahegā kyā

Dūbnā thā jise vo Duub gayā

tū bhī ab Duub kar rahegā kyā

aaj kyā be-ufuq rahegī shaam

be-sitāra safar rahegā kiyā

dekh kar un parī-nizhādoñ ko

aa.ina ḳhud-nigar rahegā kyā

apne bas meñ rahegī kyā āñdhī

apne bal par shajar rahegā kyā

shahr meñ vo jidhar rahegā rasā

shahr saarā udhar rahegā kyā

sar uThaya to sar rahega kya

KHauf ye umr-bhar rahega kya

us ne zanjir kar ke rakkha hai

hum se wo be-KHabar rahega kya

panw rahte nahin zamin pe tere

hath dastar par rahega kya

wo jo ek KHwab hum ne dekha tha

KHwab hi umr-bhar rahega kya

mar rahe hain firaq mein tere

tu hamein mar kar rahega kya

ishq-e-KHana-KHarab tere baad

koi aabaad ghar rahega kya

hum na honge to ye jahan-e-tilism

ye fareb-e-nazar rahega kya

tera apna nahin tera saya

tere zer-e-asar rahega kya

mauj apni jagah kinara hai

ye kinara magar rahega kya

Dubna tha jise wo Dub gaya

tu bhi ab Dub kar rahega kya

aaj kya be-ufuq rahegi sham

be-sitara safar rahega kiya

dekh kar un pari-nizhadon ko

aaina KHud-nigar rahega kya

apne bas mein rahegi kya aandhi

apne bal par shajar rahega kya

shahr mein wo jidhar rahega rasa

shahr sara udhar rahega kya