sarab jaan ke roya ki be-sabab to nahin

sarāb jaan ke royā ki be-sabab to nahīñ

nazar ke sāmne sahrā-e-kam-talab to nahīñ

darūn-e-jāñ hai bas ik bāzgasht-e-āh-o-fuġhāñ

nasīb sang-sifat naġhma-o-tarab to nahīñ

gulāb-shakl shagāfoñ kī dil-dahī hai abas

nasīm-e-sub.h ye hangām-e-shab-do-shab to nahīñ

adāvatoñ kā karam hai ki aaj zinda huuñ

vagarna shauq meñ jiinā yuuñ jāñ-ba-lab to nahīñ

sahar-tarāz sī lagne lagī hai shām-e-ġham

charāġh-e-dāġh-e-tamannā ho kuchh ajab to nahīñ

ba-juz qayās yaqīñ kī asaas thī bhī kyā

so kuchh gumāñ hī haqīqat haiñ aaj sab to nahīñ

na DhūñD ham ko ki ham haiñ sadā-e-gum-gashta

faqat sukūt haiñ naala nahīñ shaġhab to nahīñ

le Thīk-Thāk sī maiñ ne bhī kaaT dī duniyā

ye aur baat ki jiine kā koī Dhab to nahīñ

mujhe bhī yāroñ ne tujh se judā nahīñ samjhā

mire mizāj pe maanā ki terī chhab to nahīñ

butoñ ke ishq meñ momin kī kaT ga.ī to kyā

miyāñ ye hind hai fāras nahīñ arab to nahīñ

sitam ke sāmne sar kā jhukānā nā-mumkin

kabhī kī baat thī ab chhoḌiye ki ab to nahīñ

samajhiye yuuñ to mujhe apnā banda-e-be-dām

anā pe harf jo aane lage to tab to nahīñ

mire nivāloñ ko apnī atā na gardāneñ

huzūr shaah haiñ haañ māntā huuñ rab to nahīñ

ye kaun hai jo girāñ-bār hai samā.at par

ḳhabar to le kahīñ 'tanvīr'-e-be-adab to nahīñ

ḳhudā kī maar hai 'vasfī' sañbhal sake to sañbhal

hai jā-e-shukr abhī manzil-e-ġhazab to nahīñ

sarab jaan ke roya ki be-sabab to nahin

nazar ke samne sahra-e-kam-talab to nahin

darun-e-jaan hai bas ek bazgasht-e-ah-o-fughan

nasib sang-sifat naghma-o-tarab to nahin

gulab-shakl shagafon ki dil-dahi hai abas

nasim-e-subh ye hangam-e-shab-do-shab to nahin

adawaton ka karam hai ki aaj zinda hun

wagarna shauq mein jina yun jaan-ba-lab to nahin

sahar-taraaz si lagne lagi hai sham-e-gham

charagh-e-dagh-e-tamanna ho kuchh ajab to nahin

ba-juz qayas yaqin ki asas thi bhi kya

so kuchh guman hi haqiqat hain aaj sab to nahin

na DhunD hum ko ki hum hain sada-e-gum-gashta

faqat sukut hain nala nahin shaghab to nahin

le Thik-Thak si main ne bhi kaT di duniya

ye aur baat ki jine ka koi Dhab to nahin

mujhe bhi yaron ne tujh se juda nahin samjha

mere mizaj pe mana ki teri chhab to nahin

buton ke ishq mein momin ki kaT gai to kya

miyan ye hind hai faras nahin arab to nahin

sitam ke samne sar ka jhukana na-mumkin

kabhi ki baat thi ab chhoDiye ki ab to nahin

samajhiye yun to mujhe apna banda-e-be-dam

ana pe harf jo aane lage to tab to nahin

mere niwalon ko apni ata na gardanen

huzur shah hain han manta hun rab to nahin

ye kaun hai jo giran-bar hai samaat par

KHabar to le kahin 'tanwir'-e-be-adab to nahin

KHuda ki mar hai 'wasfi' sanbhal sake to sanbhal

hai ja-e-shukr abhi manzil-e-ghazab to nahin