sarabon se nawaza ja raha hun

sarāboñ se navāzā jā rahā huuñ

amīr-e-dasht bantā jā rahā huuñ

mire dariyā hamesha yaad rakhnā

tire sāhil se pyāsā jā rahā huuñ

fazā.eñ sabz hotī jā rahī haiñ

maiñ jitnā zahr piitā jā rahā huuñ

ik aise ḳhvāb kī āñkhoñ ko zid hai

tah-e-ḳhanjar bhī soyā jā rahā huuñ

mire bāhar fasīl-e-āhanī hai

magar andar se TuuTā jā rahā huuñ

zamāna mujh ko samjhe yā na samjhe

maiñ ik din huuñ jo guzrā jā rahā huuñ

maiñ ḳhushbū huuñ ye duniyā jāntī hai

magar phir bhī chhupāyā jā rahā huuñ

tum ab thaktī huī nazreñ jhukā lo

bulandī se maiñ utrā jā rahā huuñ

kitāb-e-sañg ban jā.egā 'kāzim'

maiñ jis paanī pe likkhā jā rahā huuñ

sarabon se nawaza ja raha hun

amir-e-dasht banta ja raha hun

mere dariya hamesha yaad rakhna

tere sahil se pyasa ja raha hun

fazaen sabz hoti ja rahi hain

main jitna zahr pita ja raha hun

ek aise KHwab ki aankhon ko zid hai

tah-e-KHanjar bhi soya ja raha hun

mere bahar fasil-e-ahani hai

magar andar se TuTa ja raha hun

zamana mujh ko samjhe ya na samjhe

main ek din hun jo guzra ja raha hun

main KHushbu hun ye duniya jaanti hai

magar phir bhi chhupaya ja raha hun

tum ab thakti hui nazren jhuka lo

bulandi se main utra ja raha hun

kitab-e-sang ban jaega 'kazim'

main jis pani pe likkha ja raha hun