sarasar nafa tha lekin KHasara ja raha hai
sarāsar nafā thā lekin ḳhasāra jā rahā hai
to kyā jiitī huī baazī ko haarā jā rahā hai
safar āġhāz karnā thā jahāñ se zindagī kā
hameñ un rāstoñ se ab guzārā jā rahā hai
ye kin ke paas girvī rakh diyā ham ne samundar
ye kin logoñ ko sāhil par utārā jā rahā hai
use jo bhī milā bach kar nahīñ aayā abhī tak
magar jo bach gayā milne dobāra jā rahā hai
'salīm' ik āḳhirī mazmūn baaqī thā ki chhapne
mirī rusvā.ī kā taaza shumāra jā rahā hai
sarasar nafa tha lekin KHasara ja raha hai
to kya jiti hui bazi ko haara ja raha hai
safar aaghaz karna tha jahan se zindagi ka
hamein un raston se ab guzara ja raha hai
ye kin ke pas girwi rakh diya hum ne samundar
ye kin logon ko sahil par utara ja raha hai
use jo bhi mila bach kar nahin aaya abhi tak
magar jo bach gaya milne dobara ja raha hai
'salim' ek aaKHiri mazmun baqi tha ki chhapne
meri ruswai ka taza shumara ja raha hai
- Book : duniya aarzoo se kam hai (Pg. 81)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
