sard aurat se milan ka sadhan

sard aurat se milan kā sādhan

apnā apmān hai kirishnā 'mohan'

ruup matla’ ko diyā maqta’ kā

kitnī ma.akūs hai ye tarz-e-suḳhan

is kā sab zahr piyā hai maiñ ne

merā chintan ki hai amrit manthan

phuul chunñe ke liye nikle the

ḳhaar hī paa.e haiñ gulshan gulshan

dostī apnī hai ranj-o-ġham se

aur ḳhushiyoñ se rahī hai an-ban

dil ko sulgātā rahā hai barsoñ

mere ashkoñ kā sulagtā sāvan

go nazar aatā hai chehra be-dāġh

sach nahīñ boltā dhuñdlā darpan

mere afkār meñ kuchh sañbhlā hai

ārzūoñ kā machaltā joban

sochtā man hai chitā chintā kī

ho gayā ek maran ab jīvan

man kī shaktī hai saperan jis se

kheltī rahtī hai chintā sāñpan

sard aurat se milan ka sadhan

apna apman hai kirishna 'mohan'

rup matla’ ko diya maqta’ ka

kitni makus hai ye tarz-e-suKHan

is ka sab zahr piya hai main ne

mera chintan ki hai amrit manthan

phul chunne ke liye nikle the

KHar hi pae hain gulshan gulshan

dosti apni hai ranj-o-gham se

aur KHushiyon se rahi hai an-ban

dil ko sulgata raha hai barson

mere ashkon ka sulagta sawan

go nazar aata hai chehra be-dagh

sach nahin bolta dhundla darpan

mere afkar mein kuchh sanbhla hai

aarzuon ka machalta joban

sochta man hai chita chinta ki

ho gaya ek maran ab jiwan

man ki shakti hai saperan jis se

khelti rahti hai chinta sanpan