sarKHushi jit ki yunhi nahin tari hui hai
sarḳhushī jiit kī yūñhī nahīñ taarī huī hai
khul gayā mujh pe ye baazī tirī haarī huī hai
guzre kal tak jo lagā kartī thī phūloñ jaisī
aaj vo ziist mirī jaan pe bhārī huī hai
chāñdnī raat havā phuul sitāre jugnū
dekh sab dil ke liye kār-guzārī huī hai
dasht-e-ehsās koī tishnagī taarī hai magar
ye mirī saañs jo har pyaas se 'aarī huī hai
har ġhazal aur fasāne meñ hai charchā jis kā
maiñ ne vo shaam tire saath guzārī huī hai
dushman-e-jāñ bhī vahī aur mirī jaañ bhī vahī
us kī yādoñ se har ik raat sañvārī huī hai
aaj yādoñ kī ghaTā Tuut ke barsī hai 'ġhazal'
ik udāsī hai jo phir shaam se taarī huī hai
sarKHushi jit ki yunhi nahin tari hui hai
khul gaya mujh pe ye bazi teri haari hui hai
guzre kal tak jo laga karti thi phulon jaisi
aaj wo zist meri jaan pe bhaari hui hai
chandni raat hawa phul sitare jugnu
dekh sab dil ke liye kar-guzari hui hai
dasht-e-ehsas koi tishnagi tari hai magar
ye meri sans jo har pyas se 'ari hui hai
har ghazal aur fasane mein hai charcha jis ka
main ne wo sham tere sath guzari hui hai
dushman-e-jaan bhi wahi aur meri jaan bhi wahi
us ki yaadon se har ek raat sanwari hui hai
aaj yaadon ki ghaTa Tut ke barsi hai 'ghazal'
ek udasi hai jo phir sham se tari hui hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
