sarmaya-e-dil aur hai sarmaya-e-jaan aur

sarmāya-e-dil aur hai sarmāya-e-jāñ aur

ye ganj-e-nihāñ aur hai vo ganj-e-nihāñ aur

sahbā.ī-e-fitrat hai mah-o-mehr se maḳhmūr

har daur mubassir ko hai ik jām-e-ravāñ aur

jānāna agar jaañ se judā hai to kahāñ hai

ḳhud apne sivā DhūñDhne jā.ūñ maiñ kahāñ aur

mujh sā hī koī ho to vo samjhegā mirī baat

'sāhir' ke muqallid kā hai andāz-e-bayāñ aur

nā'ra hai anal-haq kā 'sahar' nā’ra-e-tauhīd

alfāz-o-ma’ānī haiñ judā tarz-e-bayāñ aur

sarmaya-e-dil aur hai sarmaya-e-jaan aur

ye ganj-e-nihan aur hai wo ganj-e-nihan aur

sahbai-e-fitrat hai mah-o-mehr se maKHmur

har daur mubassir ko hai ek jam-e-rawan aur

jaanana agar jaan se juda hai to kahan hai

KHud apne siwa DhunDhne jaun main kahan aur

mujh sa hi koi ho to wo samjhega meri baat

'sahir' ke muqallid ka hai andaz-e-bayan aur

na'ra hai anal-haq ka 'sahar' na’ra-e-tauhid

alfaz-o-ma’ani hain juda tarz-e-bayan aur