sata kar sitam-kash ko kya paiyega

satā kar sitam-kash ko kyā pā.iyegā

jo kī kuchh shikāyat to jhuñjhlā.iyegā

vo barq-e-tajallī kī jo jalva-gāh

vahīñ hazrat-e-dil na rah jā.iyegā

adab kī jagah marne vaalo hai qabr

samajh kar yahāñ paañv phailā.iyegā

ġharīb ab to qadmoñ meñ hī aa paḌā

dil-e-nā-tavāñ ko na Thukrā.iyegā

ḳhabar bhī hai kuchh bār-e-isyāñ kī 'shauq'

huī vaañ jo pursish to sharmā.iyegā

sata kar sitam-kash ko kya paiyega

jo ki kuchh shikayat to jhunjhlaiyega

wo barq-e-tajalli ki jo jalwa-gah

wahin hazrat-e-dil na rah jaiyega

adab ki jagah marne walo hai qabr

samajh kar yahan panw phailaiyega

gharib ab to qadmon mein hi aa paDa

dil-e-na-tawan ko na Thukraiyega

KHabar bhi hai kuchh bar-e-isyan ki 'shauq'

hui wan jo pursish to sharmaiyega