sataish jin ka pesha ho gaya hai

satā.ish jin kā pesha ho gayā hai

unheñ shohrat kā chaskā ho gayā hai

mujhe kyā terā saudā ho gayā hai

junūñ kā mere charchā ho gayā hai

nazar aatī nahīñ saḌkoñ pe lāsheñ

amīr-e-shahr andhā ho gayā hai

tirī yādoñ se merā dil thā raushan

tire milne se tanhā ho gayā hai

tire āñchal ke uḌne se fazā meñ

guloñ kā rañg chokhā ho gayā hai

tumhārā naam kiyā aayā laboñ par

ki ik tūfān barpā ho gayā hai

bahut ham ko thā tālib naaz jis par

vahī ab dil kisī kā ho gayā hai

sataish jin ka pesha ho gaya hai

unhen shohrat ka chaska ho gaya hai

mujhe kya tera sauda ho gaya hai

junun ka mere charcha ho gaya hai

nazar aati nahin saDkon pe lashen

amir-e-shahr andha ho gaya hai

teri yaadon se mera dil tha raushan

tere milne se tanha ho gaya hai

tere aanchal ke uDne se faza mein

gulon ka rang chokha ho gaya hai

tumhaara nam kiya aaya labon par

ki ek tufan barpa ho gaya hai

bahut hum ko tha talib naz jis par

wahi ab dil kisi ka ho gaya hai